مەودا میدیا-

بەیانی ئەمڕۆ تەرمی ژنێک لەسەر رێگای کەلار - سلێمانی لە نزیک ناحیەی شێخ تەویل  دۆزرایەوە، بەڵام تاوەکو ئێستا هۆکاری گیان لەدەستدانەکەی ئاشکرا نەکراوە، چونکە هیچ ئاسەوارێکی ئەشکەنجە بە جەستیەوە دیار نییە.

بەپێی زانیارییەکانی مەودا میدیا، بەیانی ئەمڕۆ تەرمی ژنێک لەسەر رێگای کەلار - سلێمانی لە نزیک ناحیەی شێخ تەویل  دۆزرایەوە، بەهۆی ئەوەی هیچ ناسنامەیەکی پێ نییە نەتوانراوە ناسنامەی ئەو ژنە بزانرێت.

هەروەها، لەئێستادا تەرمەکەی براوەتە پزیشکی دادی دەربەندیخان و پۆلیس دەستی بە لێکۆڵینەوە کردووە بەمەبەستی ئاشکراکردنی ناسنامەکەی و هۆکاری کوشتنەکەی.

 
س.س