مه‌ودا میدیا-

فه‌رمانده‌ی گشتی سوپای پاسدارانی ئێران رایدەگەیەنێت تۆڵه‌ی سه‌خت له‌ئه‌مریكا ده‌كه‌نه‌وه‌ و ئاماژەیش بەوەدەکات ئه‌گه‌ر  ئەمریکا به‌نیازی هێرش كردن بێت هه‌رشوێنێك ئه‌وان خۆشیان بوێت خاپوری ده‌كه‌ن.

لیوا حوسێن سه‌لامی، فه‌رمانده‌ی گشتی سوپای پاسدارانی ئێران له‌كاتی به‌ڕێكردنی ته‌رمی قاسم سوله‌یمانی له‌ كرمان وتی "تۆڵه‌یه‌كی سه‌خت و په‌شیمانكه‌ره‌وه‌ له‌ ئه‌مریكا ده‌كه‌ینه‌وه‌".

شه‌وی 2له‌سه‌ر3 ی كانوونی دووه‌می 2020 له‌لایه‌ن فڕۆكه‌ی بێفڕۆكه‌وانی ئه‌مریكییه‌وه‌ هه‌ریه‌ك له‌ قاسم سولەیمانی فه‌رمانده‌ی فه‌یله‌قی قودسی سوپای پاسدارانی ئێران و مه‌هدی موهه‌ندیس جێگری سه‌رۆكی حه‌شدی شه‌عبی و ژماره‌یه‌كی تر لە فه‌رمانده‌ی سوپای پاسداران و حه‌شدی شه‌عبی به‌ئامانج گیران و كوژران.