مەودا میدیا-

فەرماندەیی ئۆپەراسیۆنە هاوبەشەکانی عیراق رایدەگەیەنێت شەوی رابردوو لە بۆسەیەکی داعشدا لە رۆژئاوای ئەنبار فەرماندەیەکی سوپای عیراق و ئەفسەرێکی پلەی مولازم کراونەتە ئامانج و کوژران، ئاماژە بەوەشکراوە دوو سەربازی دیکەی سوپای عیراق برینداربوون.

لە راگەیەندراوێکدا فەرماندەیی ئۆپەراسیۆنە هاوبەشەکانی عیراق ئاشکرای کرد "شەوی رابردوو لە بۆسەیەکی ژمارەیەک چەکداری داعش لە نزیک بازگەیەک لە ناوچەی عەگبە لە قەزای هیتی رۆژئاوای ئەنبار ئەحمەد عەبدولواحید لامی، فەرماندەی لیوای 29ی فیرقەی 7ی هێزی زەمینی و ئەفسەرێک بە پلەی مولازم کوژراون".

فەرماندەیی ئۆپەراسیۆنە هاوبەشەکانی عیراق ئاماژە بەوەشکراوە "هەر لەو بۆسەیەی داعشدا دوو سەربازی دیکەی سوپای عیراق برینداربوون".

س.س