مەودا میدیا-

وەزارەتی دەرەوەی ئەمەریکا رەتیکردەوە کاربەدەستانی وڵاتەکەی لەگەڵ پارتی کرێکارانی کوردستان (پەکەکە) لە نزیک قەندیل کۆبوونەوەیان ئەنجام دابێت، ئاماژە بەوەشکراوە کە ئەو هەواڵانەی بڵاوکراونەتەوە چیرۆکێکی درۆیە.

لە لێدوانێکی تایبەتییدا بۆ دەنگی ئەمەریکا وتەبێژی وەزارەتی دەرەوەی ئەمەریکا ئەو هەواڵانەی رەتکردەوە کە دەڵێن کاربەدەستانی وڵاتەکەی لەگەڵ پارتی کرێکارانی کوردستان (پەکەکە) لە نزیک قەندیل کۆبوونەتەوە، رایگەیاند "ئەو هەواڵانە راست نین و کۆبوونەوەی لەم جۆرە رووی نەداوە."

ئەمەش لە کاتێکدایە، لە میدیاکانی هەرێمی کوردستان  باس لەوە کرا شاندێکی ئەمەریکا بە چەند ئۆتۆمبیلێک کە فڕۆکەی جەنگی پارێزگاری لێکردوون بەرەو نزیک قەندیل رۆشتوون و لەوێ لەگەڵ ئەندامانی پەکەکە کۆبوونەتەوە، هەروەها هیچ کاربەدەستێکی هەرێمی کوردستان یان بەرپـرسێکی پەکەکە ئەو هەواڵەیان پـشتڕاست نەکردووەتەوە.

س.س