مەودا میدیا- سەركۆ جەمال

  نووسینگەی نەهێشتنی تاوانی دزینی ئۆتۆمبێل لە بەشی پۆلیسی نەهێشتنی تاوان سەر بە بەڕێوەبەرایەتی پۆلیسی هەولێر، تۆمەتبارێكیان دەستگیركردووە كە ئۆتۆمبێلێكی دزیوە و بۆ ئەوەی ئاشكرا نەبێت رەنگەكەی گۆڕیوە.

لە راگەیەندراوێكدا پۆلیسی هەولێر ئاشكرایكردووە "  ئەو تۆمەتبارە ناوی (م.ص.ع) ە ئۆتۆمبێلێكی لە جۆری (ئۆپڵ ڤیكترا) دزی بوو، دوای ئەنجامدانی تاوانەكەی، رەنگی ئۆتۆمبێلەكەی گۆڕیبوو، دواتر پۆلیس توانی تۆمەتباری ناوبراو لە ماوەی كەمتر لە (48) كاتژمێردا دەستگیر بكات و ئۆتۆمبێلەكە و ئەو ئامێرەش كە رەنگی ئۆتۆمبێلەكەی پێ گۆڕیبوو، دەستیان بەسەردا گیرا ".

پۆلیسی هەولێر ئاماژەی بەوەشكردووە " تۆمەتبار دانی بە تاوانەكەیدا ناوە، بۆیە بەپێی ماددە (446) لە یاسای سزادان بەند كراوە و دراوەتە دادگا ".