مەودا میدیا-

لە راگەیەندراوێکدا قایمقامی قەزای ناوەندیی هەولێر لەبارەی داخستنی چەند شوێنێک لە رۆژانی هەینی هاوڵاتییان ئاگادار دەکاتەوە، ئاماژە بەوەشدەکات  ئێستا لە هەولێر رۆژ دوای رۆژ حاڵەتەکانی کۆرۆنا لە زیادبووندایە.

لە راگەیەندراوەکەی قایمقامی قەزای ناوەندیی هەولێر "بەپێی بڕیاری ژووری ئۆپەڕاسیۆنی پارێزگای ھەولێر، له‌ رۆژانی هه‌ینی (بازاڕه‌ میللیه‌كان، گۆڕه‌پانه‌كانی باڵنده‌، گۆڕەپانی ماتوڕسکیل و پایسکلان، پیشانگاكانی ئۆتۆمۆبێل) به‌ته‌واوی داده‌خرێن و هاتووچۆكردن لێیان قه‌ده‌غه‌یه"‌.

ئاماژە بەوەشکراوە "ئەم بڕیارە قایمقامیەتی هەولێریش لە درێژەی زیادکردنی رێکارەکانی دژ بە ڤایرۆسی کۆرۆنایە کە ئێستا لە هەولێر رۆژ دوای رۆژ حاڵەتەکان لە زیادبووندایە".

س.س