مەودا میدیا- سەركۆ جەمال

 بە هەوڵی فراكسیۆنی یەكێتی نیشتیمانی كوردستان لەئەنجومەنی نوێنەرانی عیراق  موچەی كارمەندانی بەنداوەكانی هەرێمی كوردستان خەرجدەكرێت، كە ماوەی چەند مانگێكە كێشەی بۆ دروست بووە.

بەپێی زانیارییەكانی مەودا میدیا ، بە هەوڵی نیشتیمانی كوردستان و فراكسیۆنەكەی لە ئەنجومەنی نوێنەرانی عیراق، بە هەماهەنگی لەگەڵ سەرۆكایەتی كۆمار و پاش ئاڕاستەكردنی نووسراو بۆ لایەنی پەیوەندیدار ، سەرئەنجام سەرۆك وەزیرانی عیراق بڕیاری دەستبەجێ خەرجكردنی مووچەی كارمەندانی بەنداوەكانی هەرێمی كوردستان بۆ مانگەكانی (نیسان و ئایار و حوزەیران) و مانگەكانی داهاتووی ئاڕاستەی وەزارەتی دارایی كرد.

وە لە بڕیارەكەدا هاتووە " پێویستە وەزارەتی دارایی حكومەتی ناوەندیی بەردەوامبێت لە خەرجكردنی مووچەی مانگانەی ئەم توێژە لە كاتی خۆیدا ".

جێی ئاماژەیە كارمەندانی بەنداوەكانی هەرێمی كوردستان لەرووی كارگێڕییەوە سەربە حكومەتی هەرێمی كوردستانن و لە ڕووی داراییەوە موچەكانیان لە حكومەتی ناوەندییەوە خەرجدەكرێت.