مەودا میدیا- سازگار ئەحمەد

کەمێک پێش ئێستا لەسەر شەقامی گشتی رێگەی ناحیەی دەرکار - باتیفان لە سنووری قەزای زاخۆ فڕۆکە جەنگییەکانی تورکیا ئۆتۆمبێلێکیان کردە ئامانج، کە تەنها زیانی مادی هەیە و هیچ زیانێکی گیانی لێنەکەوتووەتەوە.

دلشێر عەبدولستار، بەڕێوەبەری ناحیەی باتیفانی سەر بە قەزای زاخۆ بە مەودا میدیای راگەیاند "کەمێک پێش ئێستا لەسەر شەقامی گشتی رێگەی ناحیەی دەرکار - باتیفان لە سنووری قەزای زاخۆ فڕۆکە جەنگییەکانی تورکیا ئۆتۆمبێلێکیان کردە ئامانج کە هاوڵاتی مەدەنی تێدابوو".

ئاماژەی بەوەشکرد "تەنها دوو سەرنشین لە ئۆتۆمبێلەکەدا بوون و هیچیان بریندار نین، تەنها زیانی مادی بەر ئۆتۆمبێلەکە کەوتووە و هیچ زیانێکی گیانی نەبووە".

بەڕێوەبەری ناحیەی باتیفان ئەوەشی خستەڕوو "فڕۆکە جەنگییەکانی تورکیا چەند ناوچەیەکی شاخاویان لەو سنوورە بۆردوومان کردووە لە هەندێک شوێن ئاگر کەوتووەتەوە، لە ئێستادا بۆردوومانەکە کۆتایی پێهاتووە".

س.س