مەودا میدیا- سەركۆ جەمال

 ئەمڕۆ یەكشەممە 9-8-2020، تاقیكردنەوەكانی خولی دووەمی پۆلە ناكۆتاكان لەسنووری پارێزگای سلێمانی دەستپێدەكات، بەڵام لەهەولێر تاقیكردنەوەكان دواخراوە.

بەپێی راگەیەنراوێكی وەزارەتی پەروەردە، ئەمڕۆ تاقیكردنەوەی خولی دووەمی پۆلە ناكۆتاكان كە لە 4ی بنەڕەتییەوە تا 11ی ئامادەییە دەستپێدەكات، بەڵام بەهۆی خراپی بارودۆخی تەندروستی و بڵاوبوونەوەی زیاتری ڤایرۆسی كۆرۆنا لە پارێزگای هەولێر تاقیكردنەوەكان لەو پارێزگایە بۆ هەفتەی داهاتووتر دواخرا، لەگەڵ ئەوەشدا لەسنووری پارێزگای سلێمانی تاقیكردنەوەكان لەكاتی خۆیدا بەڕێوەدەچێت.

تاقیكردنەوەكان لە سنوری پارێزگای سلێمانی  و ئیدارە سەربەخۆكانی تا 18 ی ئەم مانگە بەردەوام دەبن.