مەودا میدیا- سازگار ئەحمەد

تامەتە یەکێکە لە سەوزە گرنگەکان بەهۆی دەوڵەمەندی بە چەندین ڤیتامین و مادەی گرنگ سوودێکی زۆری بۆ تەندروستی مرۆڤ هەیە، هەروەها پسپۆڕان ئاماژە بەوە دەکەن خواردنی تەماتە بۆ خانمانی دووگیان گرنگە.

خواردنی تەماتە لە ماوەی دووگیانیدا پارێزگاری لە تەندروستی دایکان دەکات و رێژەی ئاسن لە جەستەیاندا رێکدەخات، هەروەها خواردنەوەی شەربەتی تەماتە بەرگری لەشی خانمانی دووگیان بەهێز دەکات.

سوودێکی دیکەی تەماتە بۆ خانمانی دووگیان ئەوەیە پارێزگاری لە رێژەی خوێن و پەستانی خوێنی دایکەکە دەکات، هەروەها ڤیتامین C و K تێدایە کە بۆ تەندروستی خانمانی دووگیان گرنگن.

خواردنی تەماتە رێژەی کۆڵسترۆڵ لە جەستەی دایکەکدا رێکدەخات و بەدووری دەخات لە تووشبوون بە نەخۆشییەکانی دڵ، هەروەها دەروونێکی ئارام دەبەخشێت بە خانمانی دووگیان.

س.س