مەودا میدیا-

بەیانی ئەمڕۆ پێنج فڕۆکەی بێفڕۆکەوان لە نزیک دوو گوندی سنووری ناحیەی شیلادزێی سەر بە پارێزگای دهۆک کەوتنە خوارەوە، کە یەکێکیان لە گوندی باوان و ئەوەی دیکە لە گوندی دێوکێ کەوتوون، سێی دیکەیان لەنزیک گوندی دێوکێ کەوتوون.

بەپێی زانیارییەکانی مەودا میدیا، بەیانی ئەمڕۆ پێنج فڕۆکەی بێفڕۆکەوان لە نزیک دوو گوندی سنووری ناحیەی شیلادزێی سەر بە پارێزگای دهۆک کەوتنە خوارەوە، کە یەکێکیان لە گوندی باوان و ئەوەی دیکە لە گوندی دێوکێ کەوتوون، سێی دیکەیان لەنزیک گوندی دێوکێ کەوتوون، بەڵام تاوەکو ئێستا نازانرێت ئەو فڕۆکانە سەر بە کوێن.

هەربەپێی زانیارییەکان، هێزە ئەمنییەکان سەردانی ئەو گوندانەیان کردووە کە فڕۆکەکانیان لێ کەوتووەتە خوارەوە، بەڵام پێدەچێت بەهۆی هەڵەی تەکنیکییەوە فڕۆکەکان کەوبێتە خوارەوە، چونکە هیچ زەبرێک بە فڕۆکەکانەوە نییە.

س.س