مەودا میدیا- سەركۆ جەمال

ویلایەتی كالیفۆرنیای ئەمەریكا گەورەترین ئاگری لەمێژوودا بەخۆوەبینی، تائێستا بەهۆیەوە شەش كەس گیانیان لەدەستداوە و 500 ماڵیش بەلایەنی كەمەوە سووتاون.

میدیاكانی ئەمەریكا بڵاویانكردەوە "ئەو ئاگرەی لەدارستانی گەورەی ناوەڕاستی كالیفۆرنیا كەوتووەتەوە تائێستا كۆنترۆڵ نەكراوە، سەدان ئۆتۆمبێلی ئاگركوژێنەوە سەرقاڵی كوژاندنەوەی ئاگرەكەن، ئاگرەكەش مەترسی بۆ شارۆچكەیەك لەنزیكی دروستكردووە".

بەهۆی ئاگرەكەوە تائێستا شەش كەس گیانیان لەدەستداوە و 43 كەسیش لە ئەندامانی بەرگری شارستانی و هاوڵاتی مەدەنی برینداربوون، هەروەها زیاتر لە 500 ماڵیش سووتاون.