مەودا میدیا- سەركۆ جەمال

وەزارەتی تەندروستیی و ژینگەی عیراق ئاماری 24 كاتژمێری رابردووی تایبەت بە ڤایرۆسی كۆرۆنای بڵاوكردەوە و رایگەیاند " سێ هەزار و 965 تووشبووی نوێ تۆماركراون و 70 تووشبووی دیكەش گیانیان لەدەستداوە".

 لە راگەیەندراوەكەی وەزارەتی تەندروستی عیراقدا هاتووە " لە 24 كاتژمێری رابردوودا 20 هەزار و 459 پشكنین بۆ دەستنیشانكردنی تووشبووانی كۆرۆنا كراون، سێ هەزار و 965 تووشبووی نوێ تۆماركراون، دوو هەزار و 947 تووشبوو چاكبوونەتەوە، 70 تووشبووش لە سەرانسەری عیراق گیانیان لەدەستداوە".

وەزارەتی تەندروستی عیراق ئاماژەی بەوەشداوە "تاوەكو ئێستا لە سەرتاسەری عیراقدا 201 هەزار و 50 كەس تووشی ڤایرۆسی كۆرۆنا بوون، لەو ژمارەیە 143 هەزار و 393 كەس چاكبوونەتەوە و شەش هەزار و 353 تووشبووش گیانیان لەدەستداوە".