مەودا میدیا-

گەلاوێژ ساڵح فەتاح ناسراو بە "گەلاوێژ خان" دایکی هێرۆخان بەبۆنەی کۆچی دوایی دكتۆر ئەحمەد بامەڕنی پەیامێک ئاراستەی خێزان و خانەوادەی دکتۆر ئەحمەد دەکات و پرسە و سەرەخۆشیان لێدەکات.

لە پەیامەکەدا هاتوووە "بۆ خانە وادەی خواڵێخۆشبوو  باڵێۆز كاكە دكتۆر ئەحمەد بامەڕنی و بۆ هە ردوو خوشكی ئازیزم دكتۆرە نازەنین و نەرمین عوسمان، لە ناخی دڵمەوە خۆم بە غەمبارو دڵتەنگ دەزانم بۆ كۆچی دوایی باڵیۆز كاكە دكتۆر ئەحمەد بامەڕنی، كەسایەتیەكی هەم ئەكادیمی و هەم شۆڕشگێڕو هەم باڵیۆزێكی سەركەوتووبوو دیبلۆماتێكی بە ئەزمون بوو، دۆستێكی دێرینی مامە گیان و ڕۆڵەیەكی دڵسۆزی كوردو كوردستان بوو".

ئاماژەی بەوەشکردووە "دووبارە پرسەو سەرخۆشیم قبوڵ بفەرموون و لە خوای گەورە داواكارم سەبوری هەموولایەكمان بدات و دوا غەم و ناخۆشی بنەماڵە و خانەوادە سەربەرزەكەیان بێت".

جێگای ئاماژەیە، ئێوارەی دوێنێ هەینی دکتۆر ئەحمەد بامەڕنی،  تێکۆشەری دیاری یەکێتی و باڵیۆزی پێشووی عیراق لە ئیتالیا لە ھەولێر بە ڤایرۆسی کۆرۆنا کۆچی دوایی کرد

س.س