مەودا میدیا- سەركۆ جەمال

بەڕێوەبەرایەتی هاتوچۆی پێنجوێن بڵاویكردەوە، لە روداوێكی هاتوچۆدا كەسێك گیانی لەدەستداوە، كەسێكیش بریندار بووە.

بەڕێوەبەرایەتی هاتوچۆی پێنجوێن بڵاویكردووەتەوە "روداوەكە لەنێوان ماتۆڕسكیلێك و ئۆتۆمبێلیكدا، لەسەر رێگەی (پێنجوێن- گەرمك) روویداوە، بەهۆیەوە كەسیك گیانی لەدەستداوە و كەسێكیش بریندار بووە".

هاتوچۆی پێنجوێن ئەوەشی خستووەتەڕوو "هۆكاری سەرەكی روداوەكە، بۆ رۆشتنی پێچەوانە لەلایەن ئۆتۆمبێلەكەوە دەگەڕێتەوە".