مەودا میدیا-

لە ئێوارەی دوێنی یەکشەممەوە خدر کەریم، سەرۆکی پێشووی شارەوانیی هەڵەبجە لە ماڵ چووەتە دەرەوە و تاوەکو ئێستا نەگەڕاوەتەوە نە کەسوکاری و نە هێزە ئەمنییەکان هەواڵیک لە بارەیەوە نازانن.

بەڕێوەبەرایەتی پۆلیسی پارێزگای هەڵەبجە لە راگەیەندراوێکدا، دوا لە هاوڵاتییان دەکات هەرکەسێک هەواڵی خدر کەریم، کە سەرۆکی پێشووی شارەوانی هەڵەبجەیە دەزانێت بە زووترین کات ئاگاداریان بکاتەوە.

هەروەها وەک کەسوکارەکەی ئاماژەی پێدەکەن، خدر کەریم کاتیك چووەتە دەرەوە نە مۆبایل و نە سەیارەی نەبردووە لەگەڵ خۆی و هیچ هەواڵێکیش لەبارەیەوە نازانن.

س.س