مەودا میدیا- سەركۆ جەمال

 لقی رۆژهەڵاتی ناوەڕاستی كۆمیتەی بەرگرتن لە ئەشكەنجە رایگەیاند "تەنیا لە رۆژهەڵاتی ناوەڕاست، لانی كەم 20 رۆژنامەنووس لەناو ململانێی بەرفراواندا ونبوون، بە تایبەت لە عیراق و سوریا.

كۆمیتەی بەرگرتن لە ئەشكەنجە (سی پی جەی) لە راپۆرتێكدا رایگەیاندووە " خێزانی رۆژنامەنوسە ونبوەكان زۆرجار بێ زانیاری دەمێننەوە، چەندین ساڵ بەدوای سەرەداو و دەنگۆدا دەچن بۆ دۆزینەوەی راستی لەبارەی شوێن و چارەنوسی ئازیزانیان".

ئەو رێكخراوە راشیگەیاندووە  " خێزان و هاوكارانی ئەو رۆژنامەنوسانە شایەنی وەرگرتنی وەڵامن، دەبێت دەسەڵاتداران لێكۆڵینەوەی ورد و باوەڕپێكراو بكەن و هەموو ئامرازێكی بەردەستیان بەكاربهێنن، بۆ ئەوەی ئەم رۆژنامەنوسانە بە سەلامەتی بگەڕێنەوە ماڵەكانیان".

سی پی جەی بە بۆنەی رۆژی جیهانی بێ سەروشوێنان كەمپینێكیشی دەستپێكردووە بە ناوی "ئەوان ونبوون، بەڵام لەبیرنەكراون".