مەودا میدیا- سەركۆ جەمال

لەئەنجامی هێرشێكی چەكدارانی داعش بۆسەر گوندێكی شارەدێی عوزێم لە باكووری بەعقوبە، سێ هاوڵاتی مەدەنی كوژران كە دوانیان كوڕ و باوكن.

درەنگانێكی شەوی رابردوو چەكدارانی داعش هێرشیانكردە سەر گوندی هیتاوین لە دەوروبەری شارەدێی عوزێم كە دەكەوێتە 65 كیلۆمەتری باكووری بەعقوبە.

لە ئەنجامی ئەو هێرشەدا سێ گوندنشین كوژران كە دوانیان كوڕ و باوكن، بەپێی سەرچاوە ئەمنیەكانیش چەكدارانی داعش زیانی مادیی زۆریان بە گوندەكە گەیاندووە و دواتر هەڵاتوون.