مەودا میدیا-

رێبەری شۆڕشی ئیسلامی ئێران باس لەوەدەکات هیوادارین ئیماراتییەکان بە زووترین کات بەخەبەر ببنەوە و قەرەبووی ئەو کارە بکەنەوە و دژی ئیسرائیل بوەستنەوە و راشیگەیاندووە ئیماراتی یەکگرتووی عەرەبی خیانەتی لە جیهانی ئیسلام کرد.

 ئایەتووڵڵا خامنەیی، رێبەری شۆڕشی ئیسلامی ئێران لە کۆنفرانسی سی و چوارەمی کەرتی پەروەردەی ئێران  باسی لە پەیوەندییەکانی ئیمارات و ئیسرائیل کرد و وتی "ئیماراتی یەکگرتووی عەرەبی خیانەتی لە جیهانی ئیسلام کرد، لە گەلانی عەرەب و وڵاتانی ناوچەکە و لە فەڵەستین خیانەتی کرد".

وتیشی "ئەڵبەت ئەم خیانەتە بەردەوام نابێت بەڵام وەک پەڵەیەکی ڕەش لە سەر ئەوان دەمێنێتەوە"و ئاماژەی بەوەش کردووە "هیوادارین ئیماراتییەکان بە زووترین کات بەخەبەر ببنەوە و قەرەبووی ئەو کارە بکەنەوە".

باسی لەوەش کردووە "گەلی فەڵەستین رووبەڕووی گوشارێکی زۆر بووەتەوە، لە هەموو بوارێکدا، ئەو کات ئەوان دێن و لەگەڵ ئیسرائیل  و کەسانی ناپاکی ئەمەریکی وەک ئەو جولەکەی کە لە خێزانەکەی ترەمپە، لە دژی بەرژەوەندییەکانی جیهانی ئیسلام دەبنە هاوپەیمان".

ک.ر