مەودا میدیا-

بەڕێوەبەرایەتی چاودێری بازرگانی هەولێر دەستبەسەرداگرتنی  12 تۆن لە ماکەرۆنی و خواردنەوەی وزەبەخشدا رایگەیاند، لە شیاوی خواردن نەبوون  و لەناوبراون.

لە راگەیەندراوێکدا هێمن سەید موراد، بەڕێوەبەری چاودێری بازرگانی هەولێر رایگەیاند "بەڕێوەبەرایەتیەکەیان بە هەماهەنگی لەگەل ژووری ئابووری ئاسایشی هەولێر توانی دەستبەسەر  12 تۆن لە ماکەرۆنی و خواردنەوەی وزەبەخشدا بگرن".

بەڕێوەبەری چاودێری بازرگانی هەولێر ئەوەشی خستووەتەڕوو "ئەو ماکەرۆنی و خواردنەوەی وزە بەخشەی دەستیان بەسەردا گیراوە لە زبڵخانەی کانی قرژاڵه لەناوبراون.

س.س