مەودا میدیا-

ئەندامێکی پەرلەمانی عیراق رایگەیاندووە لە وەرزی نوێی یاسادانانی پەرلەمان، چەندین بەرپرسی باڵا بە تایبەت مستەفا کازمی، سەرۆک وەزیرانی عیراق بانگهێشتی پەرلەمان دەکرێن باس لەوەش دەکات ئەو بەرپرسانە لێپرسینەوەیان لەگەڵ دەکریت.

عەدن شەعلان، ئەندامی پەرلەمانی عیراق لە هاوپەیمانی فەتح رایدەگەیەنێت "ژمارەیەک بەرپرسی باڵای عیراق بە تایبەت مستەفا کازمی، سەرۆک وەزیران بانگهێشتی پەرلەمان دەکەین"

روونیشی کردووتەوە  "لە وەرزی نوێی یاسادانانی پەرلەمان دەست دەکات بە بانگهێشتی ئەو بەرپرسانەی مەبەستیەتی تا ئەو بەرپرسانە لێپرسینەوەیان لەگەڵ بکریت".

عەدن شەعلان دەڵێت "پەرلەمان دەیەوێت سەبارەت بە سەردانەکانی مستەفا کازمی بۆ دەرەوە بە تایبەت بۆ ئەمەریکا و ئەنجومی دانوستانەکانی لە سەر کشانەوەی هێزەکانی ئەو وڵاتە لێپرسینەوە بکات".

ک. ر