مەودا میدیا- سەركۆ جەمال

روانگەی سوری رایدەگەیەنێت "دەوڵەتی توركیا موچەی چەكدارە سوریەكان  كە رەوانەی لیبیای كردوون لە 2000 دۆلارەوە بۆ 600 دۆلار لە مانگێكدا كەم كردووەتەوە".

روانگەی سوری بۆ مافەكانی مرۆڤ، لە راگەیەندراوێكدا ئاشكرای كردووە " دەوڵەتی توركیا ئەو چەكدارانەی كە خەڵكی سوریان و رەوانەی لیبیای كردوون بە ئەنقەست موچەكانیانی لە 2000 دۆلارەوە بۆ 600 دۆلار لە مانگێكدا كەم كردووەتەوە".

وەك روانگەكە ئاماژەی پێداوە "بەهۆی كەمكردنەوەی موچەكانیانەوە ئەو چەكدارانە بەشێكیان ناڕەزایی تێیاندا دروستبووە و بەشێكیشیان لە هەوڵی چوندان بۆ ئەوروپا لەرێگەی دەریای سپی ناوەڕاستەوە".