مەودا میدیا- سەركۆ جەمال

لەدرێژەی سەردان و چاوپێكەوتنەكانیدا لە هەرێمی كوردستان، سەرلەبەیانی ئەمڕۆ، مستەفا كازمی، سەرۆك وەزیرانی عیراق گەیشتە نووسینگەی نێچیرڤان بارزانی، سەرۆكی هەرێمی كوردستان و كۆبوونەوەیەكیان ئەنجامدا.

 پێشتر وتەبێژی مستەفا كازمی رایگەیاندبوو، كۆبوونەوەكە لەسەر داوای سەرۆكی هەرێمی كوردستان بووە و باسی چارەسەركردنی كێشەكانی هەولێر و بەغدا دەكەن، بڕیاریشە دوای كۆبوونەوەی لەگەڵ سەرۆكی هەرێمی كوردستان، سەرۆك وەزیرانی عیراق بگاتە سلێمانی و چەند كۆبوونەوەیەكیش لە سلێمانی ئەنجام بدات.

دوانیوەڕۆی ئەمڕۆ كازمی سەردانەكەی لە پارێزگای هەڵەبجە كۆتایی پێدەهێنێت و دەگەڕێتەوە بۆ بەغدا.