مەودا میدیا- سەركۆ جەمال

وەزارەتی دەرەوەی توركیا ئاشكرایكرد پێویستە لەسەر ئەمەریكا بگەڕێتەوە بۆ بڕیارە بێلایەنەكانی لە دۆسیەی قوبرس دا، ئەویش دوای هەوڵەكانی ئەمەریكا لەگەڵ قوبرسی یۆنانی و كردنەوەی ناوەندێكی راهێنان بە هێزە سەربازیەكانی ئەو دوورگەیە.

وەزارەتی دەرەوەی توركیا ئەوەشی خستووەتەڕوو "ئەو یاداشتە ئاشتییەی بڵاوكراوەتەوە خزمەت بە ئاشتی و ئارامی رۆژهەڵاتی دەریای ناوەڕاست ناكات و كێشەی زیاتر بۆ دۆسیەی قوبرس دروستدەكات".

وەزارەتی دەرەوەی توركیا ئەوەشی خستووەتەڕوو "ئەو هەنگاوانەی ئەمەریكا گرتوویەتیەبەر لەمدواییەدا كێشەكانی رۆژهەڵاتی ناوەڕاست زیاتر دەكەن، بۆیە داوا لەو وڵاتە دەكەین بگەڕێتەوە بۆ بڕیارە بێلایەنەكانی بەتایبەت لەبارەی كێشەی قوبرس و هەوڵەكانی بخاتەگەڕ بۆ چارەسەری كێشەكان".