مەودا میدیا - کاروان نوری

بڕیاردەری لیژنەی دارایی لە پەرلەمانی عیراق ئاشکرایکردووە، بە وتەی بریکاری وەزارەتی دارایی، حکومەتی عیراق 320 ملیار دینارەکە بۆ مانگی تشرینی یەکەم دەنێرێت. 

ئەحمەد سەفار، بڕیاردەری لیژنەی دارایی لە پەرلەمانی عیراق رایگەیاند "لە هەفتەی رابردوودا لە کۆبوونەوەمان لەگەڵ بریکاری وەزارەتی دارایی، پێی راگەیاندین 320 ملیارەکە تاوەکو کۆتایی مانگی 10 رەوانەی هەرێمی کوردستان دەکرێت". 

هاوکات رۆژی پێنجشەممە لە پەرلەمانی عیراق یاسای پڕکردنەوەی کورتهێنانی دارایی پەسندکرا و بڕیاردرا، تاوەکو حکومەتی هەرێمی کوردستان بڕێک لە داهاتی نەوت کە کۆمپانیای سۆمۆ دیاری دەکات رەوانەی بەغدای نەکات، 320 ملیار دینارەکە رابگیرێت.  

ک.ن