مەودا میدیا - کاروان نوری

رەنگە  بەرگوێت کەوتبێ کە قارچک زۆر گرنگ و تەندروستە، لە راستیدا هەر لەکۆنەوە قارچک وەک دەرمان و چارەسەر بەکارهاتووە، هەر لەبەر ئەم هۆکارەش بووە خەڵکی میسر لەکۆندا بەقارچکیان ووتوە روەکی نەمری.

قارچک لە کەڕوی سوود بەخش دروست دەبێت، قارچک بە یەکێک لەو خواردنانە دادەنرێت کە توانای هەیە لە 50% خۆراکی لەش دابین بکات ئەمەش مانای ئەوەیە کە کاریگەرییەکی پۆزەتیڤی دەبێت لەسەر جەستە.

بەپێی لێکۆڵینەوەیەک کە لەزانکۆی فلۆریدا ئەنجام دراوە خواردنی قارچک رۆژانە دەبێتە هۆی بەهێزبوونی بەرگری لەش، هەروەها باسیان لەوەش کردووە کە دژە هەوکردنە.