مەودا میدیا-

حكومه‌تی عیراق بڕیاری قه‌ده‌غه‌كردنی هه‌موو جۆره‌ كۆبوونه‌وه‌ و گردبوونه‌وه‌یه‌كی ده‌ركرد، بڕیارەکەش دەرئەنجامی هەڵکشانی ژمارەی تووشبووانی كۆرۆنایە لە شارەکانی عیراق.

حه‌سه‌ن نازم، وته‌بێژی ئه‌نجومه‌نی وه‌زیرانی عیراق ئەمڕۆ چوارشەممە رایگه‌یاندووە "بڕیارەکەی حكومه‌ت ‌ هه‌موو وه‌زاره‌تەکان دەگرێتەوە، دامه‌زراوه‌كان و هاوڵاتییان پابه‌ندی به‌كارهێنانی ده‌مامك و دووری كۆمه‌ڵایه‌تی بن" و دەڵێت "ئه‌نجومه‌نی وه‌زیران جه‌ختی له‌سه‌ر قه‌ده‌غه‌كردنی هه‌موو ئه‌و چالاكییانه‌ كردووه‌ته‌وه‌، كه‌ ده‌بنه‌ هۆی كۆبوونه‌وه‌ و گردبوونه‌وه‌ی هاوڵاتییان لەبەر مەترسی زیاتر بڵاوبوونەوەی کۆرۆنا".

 لەلایەکی دیکەشەوە وەزیری تەندروستیی عیراق ئاماژەی بەوەداوە "ئەگەر رێژەی تووشبوونی کۆرۆنا بەردەوام روو لە بەرزبوونەوە بكات، ناچار دەبین دووبارە كەرەنتین و قەدەغەكردنی ھاتوچۆی سەرتاسەریی رابگەیەنین".

ک. ر