مەودا میدیا-

سەرۆکی لیژنەی دارایی لە ئەنجومەنی نوێنەرانی عیراق ئاشکرای کرد لە بودجەی ساڵی 2021ی عیراقدا مووچەی فەرمانبەران و خانەنشینان هەڵوەشێندراوەتەوە.

هەیسەم جبوری، سەرۆکی لیژنەی دارایی ئەنجومەنی نوێنەرانی عیراق بە میدیا عیراقییەکانی راگەیاندووە "چەند خاڵێک لە پرۆژە یاسای بودجەی 2021ی عیراقدا پەسەندکراوە، لەوانەش بڕگەی لێبڕینی مووچەی فەرمانبەران و خانەنشینان هەڵوەشێندراوەتەوە، هەروەها بودجەی سێ سەرۆکایەتییەکەی عیراق بە رێژەی 20% کەمکراوەتەوە".

جبوری ئاماژەی بەوەشکردووە "چەند بڕگەیەک لە پرۆژە یاساکەدا زیادکراوە، یەکێک لەو بڕگانە تەرخانکردنی بودجەیە بۆ کڕینی دەرمان و پێدوایستی پزیشکی، هەروەها ئەو بڕە پارەیەش زیادکراوە کە بۆ قەرەبووکردنەوەی زیانلێکەوتووانی تیرۆرستان تەرخانکراوە".

س،س