مه‌ودا میدیا-

مستەفا كازمى، سەرۆک وەزیرانى عیراق، په‌یوه‌ندى تەلەفۆنی به‌ پاشای دووەمی شانشینی ئوردن شا عه‌بدوڵڵا وه‌ کرد و رایگه‌یاند پته‌وی عیراق په‌یوه‌سته‌ به‌ ئوردنه‌وه‌ .

نوسینگەی زانیاری سەرۆک وەزیرانى عیراق، بڵاویكرده‌وه‌ "له‌ په‌یوه‌ندییه‌كى ته‌له‌فۆنیدا كازمى جەختی لە سەر پێگەی پتەوی عیراق کردەوە لەسەر ئاسایش و سەقامگیری ئوردن بە سەرۆکایەتیی شا عەبدوڵڵای دووەم، وەک تەواوکەری ئاسایش و سەقامگیری عیراق". 

كازمى، جەختی کردەوە "حکومەت و خەڵکی عیراق پشتگیری درێژکردنەوەی پایەی دەوڵەت و یاسا لە ئوردن و سەرخستنی سەقامگیری و گەشەپێدان و بنیاتنان له‌و وڵاته‌دا ده‌كه‌ن".

دوو رۆژ پێشتر ژماره‌یه‌ك به‌رپرس كه‌ به‌شێكیان له‌ خێزانى شاهانه‌ى ئوردن بوون، به‌تۆمه‌تى هه‌وڵدان بۆ كوده‌تا ده‌ستگیركران و به‌وهۆیه‌شه‌وه‌ دۆستانى پاشاى وڵاتى ئوردن له‌نێویاندا  ژماره‌یه‌ك له‌ به‌رپرسانى هه‌رێمى كوردستان، به‌ ته‌له‌فۆن و ده‌ركردنی به‌یاننامه‌ پشتگیرى خۆیان بۆ شا عه‌بدوڵڵا پاشاى ئێستاى ئوردن ده‌ربڕى.

هـ.ع