مەودا میدیا-

سەرۆکی حکومەتی هەرێمی کوردستان لەبارەی کوشتنی ئەو ژنەی دوێنێ ئێوارە لەلایەن هاوسەرەکەیەوە لە شاری هەولێر کوژرا پەیامێکی بڵاوکردەوە و رایدەگەیەنێت هیچ شەرەفێک لە ژن کوشتندا نییە.

مەسرور بارزانی، سه‌رۆكی حكومه‌تی هه‌رێمی كوردستان لە تۆڕی کۆمەڵایەتیی تویتەر نووسیویەتی "هیچ شه‌ره‌فێك له‌ ژن كوشتندا نییه‌ و ده‌بێت ئه‌مه‌ كۆتایی پێ بێت، وه‌زیری ناوخۆی راسپاردووه‌ بۆ دڵنیابوون له‌وه‌ی تۆمه‌تبار به‌ سزای خۆی بگات".

نووسیویشیەتی "کۆمەڵگەی ئێمە هەرگیز پێشناکەوێت ئەگەر نیوەی کۆمەڵگە نه‌توانێت به‌ ئازادی و بەبێ ترس لە توندوتیژی بژی، هەروەها لەم کابینەیەدا ئێمە هاوكاریمان بۆ شێڵته‌ره‌كان زیاد کردووە و پابه‌ندین بە ئەنجامدانی کاری زیاتر بۆ پاراستن و پشتگیریی كچان و ژنان له‌ كوردستان".

ئێوارەی دوێنێ هەینی 16ی نیسانی 2021 لە گەڕەکی باداوەی شاری هەولێر ژنێکی تەمەن 22 ساڵ لەلایەن هاوسەرەکەیەوە بە فیشەک بریندار کرا و دوای گەیاندنی بە نەخۆشخانە گیانی لەدەستدا.

س.س