گشتی

شەش ئامۆژگاریی گرنگ بۆ پێكهێنانی خێزانی بەختەوەر

مەودا میدیا - سلێمانی |


شەش ئامۆژگاریی گرنگ بۆ پێكهێنانی خێزانی بەختەوەر
مەودا میدیا-

خێزان یەكەیەكی گرنگی كۆمەڵایەتییە و بوونی بەختەوەریی تیایدا هێندەی دیكە بۆ سەركەوتن و بنیاتنانی كۆمەڵگەیەكی سەركەوتوو گرنگە، ئەم شەش ئامۆژگارییە هاوكار دەبێت بۆ گەیشتن بەو ئامانجە.

یەكەم: پێویستە هەر یەكێك لە ئەندامانی خێزان نرخ و پێگەی خۆیان بدرێتێ‌، باوكان و دایكان نابێت بیر لەوە بكەنەوە كەوا تەنها ئەوان بناغەی خێزان و هۆكاری بەختەوەرین، بەڵكو دەبێت هەر یەكێك لە ئەندامانی خێزان رۆڵی هەبێت و پێكەوە دەتوانن بەختەوەریی دروستبكەن.

دووەم: ژینگەی هێمن و ئارام بۆ بوونی خێزانی بەختەوەر پێویستە، نابێت لەنێو ئەندامانی خێزاندا وشەی نابەجێ و برینداركەر بەكاربهێندرێت، بەڵكو پێویستە بە رێزەوە مامەڵە لەگەڵ یەك بكەن و نموونەیەكی جوانی تەبایی و پێكەوەیی پێشكەش بكەن.

سێیەم: گرنگە خێزان پەیوەندییەكی پتەوی لەگەڵ دەوروبەر و خزم و نزیكەكانیدا هەبێت، ئەوە وا دەكات رێزلێگیراوبن و دەشبێتە هۆكار بۆ پتەوبوونی پەیوەندیی ناوخۆی خێزان.

چوارەم: خێزانی بەختەوەر بەوە پێكدێت ئەندامەكانی لەكاتی خۆشی و ناخۆشی هاوشانی یەكتر بووەستن، پەیوەندیی رۆحی و مەعنەویی دەبێتە هۆی دروستبوونی خۆشەویستی و پتەوتربوونی متمانە لەنێوانیان ئەندامانی خێزاندا.

پێنجەم: پەیوەندیی خێزانی بە مانای نەمانی سەربەخۆیی نایەت، بەڵكو پێویستە رێز لە تایبەتمەندی و بۆچوونی ئەندامانی خێزان بگیرێت و هاوكاری یەكتربن بۆ بەدیهێنانی ئامانجەكانی ژیانی.

شەشەم: خۆشەویستی و لێبوردەیی گرنگە بۆ خێزان، ئەوە وا دەكات رق و كینە جێگەی نەبێتەوە و پێكەوە ببنە خێزانێكی بەختەوەر. 

س.س
Qaiwan
Qaiwan

زۆرترین خوێندنەوە

بیروڕا


News

رێنوسی تابلۆی ئۆتۆمبێلەكانی هاتوچۆی هەرێم هەڵەن

لەلایەن ئه‌رسه‌لان په‌رۆش


News

پارستنی ئاو وەکو ئەرکێکی بنەڕەتیی ژیان

لەلایەن د.مونیرە ئەبوبەکر


News

بۆ ناهێڵن عەرەبە ئاوارەکان بگەڕێنەوە؟

لەلایەن خەڵەف غەفور


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد