مەودا میدیا-

لە قەزای سەیدسادقی سەر بە پارێزگای سلێمانی تەرمی پیاوێک گەیەندرایە نەخۆشخانەی شەهید شەوکەت کە لەلایەن ژنەکەیەوە بە چەقۆ کوژراوە، لەئێستادا هێزەکانی پۆلیس و ئاسایش سەرقاڵی لێکۆڵینەوەن لە رووداوەکە.

بەپێی زانیارییەکانی مەودا میدیا، دوانیوەڕۆی ئەمڕۆ یەکشەممە 18ی نیسانی 2021 لە قەزای سەیدسادقی سەر بە پارێزگای سلێمانی تەرمی پیاوێک گەیەندرایە نەخۆشخانەی شەهید شەوکەت کە لەلایەن ژنەکەیەوە بە چەقۆ کوژراوە.

هەر بەپێی زانیارییەکان، رووداوەکە بەهۆی کیشەی کۆمەڵایەتییەوە لە نێوان ئەو دوو هاوسەرەدا، ژنەکە هەستاوە بە کوشتنی هاوسەرەکەی کە لەدایکبووی ساڵی 1984ە و پیشەی کاسبە.

لەئێستادا هێزەکانی ئاسایش و پۆلیس چوونەتە شوێنی رووداوەکە، بە فەرمانی دادوەر ژنەکەیان دەستگیرکردووە و پەڕاوی لێکۆڵینەوەی بۆ رووداوەکە رێکخراوە و بەدواداچوونی زیاتر دەکرێت.

س.س