مەودا میدیا-

وەزیری بەرگریی ئەمریکا رایدەگەیەنێت ئەمریکا هەوڵدەدات رەزامەندیی حکومەتی عیراق بەدەستبهێنێت بۆ ئەوەی سیستەمی دژەمووشەکیی پاتریوت بۆ ئەو وڵاتە بگوازێتەوە.

مارک ئێسپەر، وەزیری بەرگریی ئەمریکا بە رۆژنامەنوسانی راگەیاند "دوای هێرشە مووشەکیەکەی ئێران بۆ سەر بنکە سەربازییەکانی ئەمریکا لە عیراق، ئەمریکا هەوڵدەدات سیستەمی دژەمووشەکیی پاتریۆت لە عیراق دابنێت".

ئەوەشی ئاشکرا کرد "ئەم کارەی ئەمریکا بۆئەوەیە باشتر بنکە سەربازی و سەربازەکانی بپارێزێت، بەڵام بۆ جێبەجێکردنی ئەو هەنگاوەی، پێویستی بە مۆڵەت و رەزامەندی حکومەتی عیراقە".