مەودا میدیا-

د. سەناریا شوان، پسپۆڕی نەخۆشیەکانی مەمک لە بابەتێکدا باس لە هۆرمۆنی شیر (prolactin) لەکاتی شیرداندا دەکات و ئاماژە بەوە دەکات، پرۆلاکتین یەکێکە لە هۆرمۆنەکانی جەستە کە بەردەوام بوونی هەیە بەڵام لە کاتی دووگیانی بەرز دەبێت و لەو کاتەدا مەمکی دایکەکە خۆی ئامادە دەکات بۆ شیردان و بۆریە شیردەرەکان فراوان دەبن.

لە دوای منداڵبوون رێژەکە بەرزتر دەبێت و شیر بە تەواوی دروست دەبێت، دەبێت شیردان زوو دەستپێبکرێت و زوو زوو بدرێت بە کۆرپەکە، بۆئەوەی شیرەکە زیاد بکات، بەڵام ئەگەر دایکەکە شیر نەدات رێژەی هۆرمۆنەکە دادەبەزێت و شیرەکە کەم دەکات.

چەند هۆکارێک هەن بۆ دابەزینی رێژەی هۆرمۆنی پرۆلاکتین لەکاتی شیرداندا وەک:

- خواردنی حەبی دژە سکپری کە ئیسترۆجینی تیا بێت. 

- هەنێک نەشتەرگەری مەمک بە تایبەت کە نزیک گۆی مەمک کرابێت. 

- خەمۆکی. 

- بەکار هێنانی کرێمی سڕکردن بۆ نەهێشتنی ئازاری گۆی مەمک. 

- قەڵەوی. 

- جگەرە کێشان.

س.س