مەودا میدیا-

به‌ڕێوه‌به‌رایه‌تیی گشتیی نه‌هێشتنی ماده‌ هۆشبه‌ره‌كانی هه‌رێمی كوردستان دەستگیرکردنی تۆمەتبارێکی راگەیاند کە 10 کیلۆ گرام مادەی هۆشبەری لە جۆری هیرۆین پێبووە.

لە راگەیەندراوێکدا به‌ڕێوه‌به‌رایه‌تیی گشتیی نه‌هێشتنی ماده‌ هۆشبه‌ره‌كان "ئه‌مڕۆ سێشه‌ممه‌ 12ی تشرینی یەکەمی 2021 له‌لایه‌ن ئه‌فسه‌ر و كارمه‌ندانی به‌ڕێوه‌به‌رایه‌تیی گشتی نه‌هێشتنی ماده‌ هۆشبه‌ره‌كان له‌ ده‌ڤه‌ری سۆران توانرا ده‌ستبگیرێت به‌ سه‌ر بڕی 10 كیلۆگرام ماده‌ی هۆشبه‌ر له‌ جۆری هێرۆین له‌گه‌ڵ ده‌ستگیركردنی تۆمه‌تبارێك به‌ناوی (د ـ أ ـ م) كه‌ دانیشتووی حاجیاوایه‌".

ئاماژە بەوەشکراوە "تۆمه‌تباره‌كه‌ به‌پێی ماده‌ی 25 له‌ یاسای ماده‌ هۆشبه‌ره‌كان په‌ڕاوی لێكۆڵینه‌وه‌ی بۆكراوه‌ته‌وه‌ و رەوانه‌ی به‌رده‌م دادوه‌ری لێكۆڵینه‌وه‌ كراوه‌".

س،ر