مەودا میدیا-

وتەبێژی وەزارەتی ناوخۆی عیراق رایگەیاند، کارکردن بە ناسنامەى بارى شارستانى رادەگیرێت دوای ئەوەی رێژەیەکى زۆر لە هاوڵاتییان بوونە خاوەن کارتى نیشتیمانى.

ئەمڕۆ چوارشەممە خالید مەحنا، وتەبێژی وەزارەتی ناوخۆی عیراق رایگەیاند "بەڕێوەبەرایەتییەکانی رەگەزنامە بەبەردەوامی کار دەکەن بۆ راییکردنی مامەڵەى هاوڵاتییان بۆ دەرهێنانى کارتى نیشتیمانى، کارکردن بە ناسنامەى بارى شارستانى رادەگیرێت دوای ئەوەی رێژەیەکى زۆر لە هاوڵاتییان بوونە خاوەن کارتى نیشتیمانى".

ئەوەشی خستووتەڕوو "بەپێی زانیاری و لێکدانەوەی شارەزایانی وەزارەت چاوەڕواندەکرێت ژمارەیەکی بەرچاوی هاوڵاتییان مامەڵەی کارتی نیشتیمانی ئەنجامبدەن و ببنە خاوەنی ئەو کارتە".

کارتی نیشتیمانی بەڵگەیەکی فەرمییە لە جیاتی (ناسنامە و رەگەزنامەی باریشارستانی) بەکاردەهێندرێت لەھەموو پارێزگاکانی عیراق و کوردستان و گشت دامودەزگاکانی حکومی و ئەھلی کاری پێ دەکرێت.

ر. ر