کوردستانی

هەواڵێکی خۆش بۆ هاوڵاتییان سەبارەت بە دابەشکردنی نەوتی سپی ماڵان

مەودا میدیا - سلێمانی |


هەواڵێکی خۆش بۆ هاوڵاتییان سەبارەت بە دابەشکردنی نەوتی سپی ماڵان
مەودا میدیا-

سەبارەت بە بەرزبوونەوەی نرخی سوتەمەنی بەشێوەیەکی گشتی پارێزگاری سلێمانی رایگەیاند، هۆکاری زۆر هەن بۆ بەرزبوونەوەی نرخی سوتەمەنی و لایەنی پەیوەندیدار لە هەوڵی چارەسەردان، هاوکات دڵنیایشیدا کە لە چەند رۆژی داهاتوودا دەست بە دابەشکردنی نەوتی سپی دەکرێت. 

هەڤاڵ ئەبوبەکر، پارێزگاری سلێمانی لە کۆنگرەیەکی رۆژنامەوانیدا رایگەیاند، لە سلێمانی قەیرانی غاز بوونی نییە و هیچ گرانبوونێکیش لە نرخەکەیدا نییە، ئەوەی پەیوەندیی بە کەمبوونەوەی غازەوە هەیە کاتییە کێڵگەی کۆرمۆر چاکسازی تێدادەکرێت و لە ماوەیەکی کەمدا ئاسایی دەبێتەوە.

سەبارەت بە بەرزبوونەوەی نرخی نەوتی سپیش ئاماژەی بەوەکرد "نەوتی سپی بڕیارە بەپێی رێککەوتنی هەرێم و بەغدا لەلایەن عیراقەوە بڕی پێویست رەوانە بکرێت بۆ دابەشکردنی یەک بەرمیل نەوت بۆ هەر ماڵێک بەرلە وەرزی زستان، و تائێستا بەغدا لەو بڕە نەوتەی بەڵێنیداوە تەنها 1.5 ملیۆن لیتری ناردووە ئەمەش کەمترە لە بڕی پێویست، لەگەڵ ئەوەشدا لەچەند رۆژی داهاتوودا دەست بە دابەشکردنی نەوت دەکەین".

لەبارەی بەرزبوونەوەی نرخی بەنزینیش پارێزگاری سلێمانی وتی "یەکێک لە هۆکارەکان حکومەتی فیدراڵە چونکە بڕیاربوو بڕێک بەنزین بنێرێت بەڵام ئێستا کێشە لەو رێککەوتنە دروستبووە".

ر. ر