مەودا میدیا-

وتەبێژی بەڕێوەبەرایەتیی پۆلیسی هەولێر رایگەیاند، کاتژمێر 2:00ی شەوی رابردوو هاوڵاتییەکی بەرەگەز عەرەبی تەمەن 35 ساڵ لە هەولێر لەلایەن برازاکەیەوە کوژراوە.

هۆگر عەزیز، وتەبێژی بەڕێوەبەرایەتیی پۆلیسی هەولێر رایگەیاند "دوێنی شەو کاتژمێر 2:00 لە گەڕەکی هەڤاڵان هێزەکانی بەڕێوەبەرایەتیی پۆلیسی پارێزگای هەولێر ئاگادارکرانەوە لەبوونی رووداوێکی کوشتن، دەستبەجێ هێزەکانمان گەیشتنە شوێنی رووداوکە و دەست بەلێکۆڵینەوە کرا لە ئەنجامی لێکۆڵینەوەکان دەرکەوت کەوا کەسێک بەناوی (ئەحمەد نافع خالید)، تەمەن (35) ساڵ، بەڕەگەز عەرەب، لەلایەن برازاکەیەوە بە چەقۆ کوژراوە".

ئاماژەی بەوەشکردووە، پۆلیس سەرقاڵی لێکۆڵینەوەیە بۆ دەستگیر کردنی تۆمەتباری رووداوەکە و گەیشتن بە هۆکاری راستەقینەی رووداوەکە.

ر. ر