مەودا میدیا-

ناوەندی ستۆکۆڵم بۆ ئازادییەکان، راپۆرتێکی نوێی لەبارەی دۆخی زیندانەکانی تورکیا بڵاوکردەوە و تێیدا کۆمەڵێک ئاماری سەرسوڕهێنەر خراونەتەڕوو.

بەگوێرەی ڕاپۆرتەکە "لە ساڵی 2021دا ژمارەی ئەو کەسانەی کە لە زیندانەکانی تورکیادان و دەرچووی زانکۆکانن گەیشتووەتە 20 هەزار و 333 کەس".

لە راپۆرتەکەدا هاتووە "ساڵی 2016 دەرچوانی زانکۆ رێژەی %8.1ی زیندانکراوەکانیان پێکدەهێنا، بەڵام ساڵی 2020 رێژەکە بۆ %20.33 بەرزبووەتەوە".

راپۆرتەکە ئاماژەی بەوەشکردووە "لەناو زیندانەکانی تورکیادا 460 هەڵگری بڕوانامەی دکتۆرا و دوو هەزار و 371 هەڵگری بڕوانامەی ماستەر هەن".

ئەمە لەکاتێکدایە کە لە ساڵی 2016 بەدوادوە بە بیانووی رووبەڕووبوونەوەی ئەو کەسانەی پەیوەندییان بە کودەتا شکستخواردووەکەوە هەبووە، بە هەزاران کەس دەستگیرکراون و زۆرێک لەوانەش کەسانی خاوەن بڕوانامە و خاوەن پێگە بوون.

ب.م