مەودا میدیا-

سەرچاوەیەکی ئەمنی کەرکوک رایگەیاند، بەرەبەیانی ئەمڕۆ تەقینەوەیەک لەناو بارەگەیەکی هێزەکانی حەشدی شەعبی لە کەرکوک روویدا و تەقینەوەکە کوژرانی کەسێک و برینداربوونی سێ کەسی دیکەی لێکەوتووەتەوە.

بەرەبەیانی ئەمڕۆ تەقینەوەیەک لەناو بارەگەیەکی هێزەکانی حەشدی شەعبی لە دەوورووبەری کەرکوک روویدا، سەرچاوەیەکی ئەمنی لە کەرکوک بە مەودا میدیای راگەیاند "لە ئەنجامی تەقینەوەکە کەسێک کوژراوە و سیانی دیکەش برینداربوون".

ئاماژەی بەوەشکرد "بریندارەکان گەیەندراونەتە نەخۆشخانە و رەوشی تەندروستییان جێگیرە".

ئەوەشی خستەڕوو " تائێستا نەزانراوە هۆكاری تەقینەوەكە چی بووە، بەهۆی بۆردوومانەوەە بووە، یان تەقینەوەی چەك و تەقەمەنی بووە".

ر. ب