مەودا میدیا-

بەڕێوەبەرایەتیی کارەبای سلێمانی ئاگاداری خاوەنی فڕن سەمون و نانەواخانەکان دەکاتەوە لە ماوەی 10 رۆژدا سەردانی بەشی فرۆشتنی ووزەی بەڕێوەبەرایەتییەکانى دابەشکردنەکانى سنورى پارێزگاى سلێمانى بکەن.

لە راگەیەندراوەکەدا هاتووە "ئاگاداری سەرجەم خاوەن فڕنی سەمون و نانەواخانەکان دەکەین، لە ماوەی 10 رۆژدا سەردانی بەشی فرۆشتنی وزەی بەڕێوەبەرایەتییەکانى دابەشکردنەکانى سنوورى پارێزگاى سلێمانى بکەن، بۆ ئەوەى لێخۆشبوونى (20%) پارەى کارەبایان بۆ بکرێت".

ئاماژەش بەوەکراوە "بۆ ئەو مەبەستە نوێترین پسوڵەی کارەبا و وێنەیەکی پێوەرەکانیان لەگەڵ خۆیان بهێنن بۆ ئەوەى لێخۆشبوونى (20%) بۆ بکرێت بەپێی بڕیاری سەرۆکایەتی ئەنجومەنی وەزیران و وەزارەتی کارەبا لە 2021/9/1".

س،ر