مەودا میدیا-

نیوەڕۆی ئەمڕۆ دوو کەس کە بە مەبەستی راوەماسی چووبوونە رۆژهه‌ڵاتی ده‌ریاچه‌ی عوزێم له‌ نزیك سنووری ئامرلی رۆژهه‌ڵاتی پارێزگای سه‌ڵاحه‌دین کەوتنە ناو بۆسەی چەکدارانی رێکخراوی تیرۆریستیی داعش.

مه‌حمود كامل، فه‌رمانده‌ی حه‌شدی عه‌شایه‌ری رایگه‌یاند "له‌ ئه‌نجامی هێرشێكی تیرۆریستیی داعش له‌ رۆژهه‌ڵاتی ده‌ریاچه‌ی عوزێم له‌ نزیك سنووری ئامرلی رۆژهه‌ڵاتی پارێزگای سه‌ڵاحه‌دین بۆسەر دوو کەس کە بە مەبەستی راوەماسی چووبوونە کەسێک کوژراو و کەسێکی دیکەش برینداربوون".

ئاماژە بەوەشکراوە "هێزێكی هاوبه‌ش گه‌یشتوونه‌ته‌ شوێنی رووداوه‌کە و ده‌ستیان به‌ لێكۆڵینه‌وه‌ كردووه‌، هه‌روه‌ها ته‌رمی كوژراو و برینداره‌كانیش بۆ نه‌خۆشخانه‌ی پارێزگای سه‌ڵاحه‌دین گواستراونه‌ته‌وه‌".

س،ر