مەودا میدیا-

 پاپای ڤاتیكان سه‌ركۆنه‌ی هه‌وڵی تیرۆركردنی مسته‌فا كازمی سه‌رۆك وه‌زیرانی عیراقی كرد و هەوڵەکەی وه‌ك كارێكی قێزه‌ونی تیرۆرستیی وه‌سفكرد، دەشڵێت "نوێژی سەلامەتیم بۆ مستەفا کازمی کردووە".

دان پاپا فرانسیس، وه‌زیری ده‌ره‌وه‌ی ڤاتیكان، نامه‌یه‌كی پاپا فڕانسیسی ئاراسته‌ی سه‌رۆك وه‌زیرانی عیراق كردووه‌ و له‌نامه‌كه‌دا سه‌ركۆنه‌ی هێرشه‌ تیرۆرستییه‌كه‌ی سه‌ر ماڵه‌كه‌ی مسته‌فا كازمی ده‌كات و به‌ "كارێكی قێزه‌ونی تیرۆرستی" وه‌سفكردووه‌.

هاوکات پاپا فرانسیس له‌نامه‌كه‌دا دووپاتیكردووه‌ته‌وه‌، گه‌لی عیراق به‌ به‌پیرۆزی خوا و به‌ ژیرانه‌ و به‌ توندی به‌ رێگەی دیالۆگ و هاوده‌نگیی برایه‌تییه‌وه‌ په‌یوه‌ست ده‌بێت به‌ رێبازی ئاشتییه‌وه‌.

ئەوە لە کاتێکدایە به‌ره‌به‌یانی رۆژی حەوتی ئه‌م مانگه‌ له‌ڕێگه‌ی سێ فڕۆكه‌ی بێفڕۆكه‌وانه‌وه‌ هێرشكرایه‌ سه‌ر ماڵه‌كه‌ی مسته‌فا كازمی سه‌رۆك وه‌زیران و فه‌رمانده‌ی گشتیی هێزه‌ چه‌كداره‌كانی عیراق.

ر. ب