مەودا میدیا-

 رێبەری رەوتی سەدر رایگەیاند، وەک نیازپاکییەک لیوای یومولمەوعود هەڵدەوەشێنمەوە و بارەگاکانی دادەخەم.

ئەمڕۆ هەینی 19ی تشرینی دووەم موقتەدا سەدر، رێبەری رەوتی سەدر لەتۆڕی کۆمەڵایەتیی تویتەر لە تویتێکدا رایگەیاند "وەک نیازپاکییەک لیوای یومولمەوعود هەڵدەوەشێنمەوە و بارەگاکانی دادەخەم کە پێشتر چەکەکانی رادەستی هێزەکانی سەرایا سەلام کردووە".

ئاماژەی بەوەشکرد "هیوادارم ئەمەهەنگاوێک بێت بۆ هەڵوەشاندنەوەی گروپە چەکدارییەکانی دیکە و رادەستکردنی چەکەکانیان و داخستنی بارەگاکانیان، هیواخوازم ئەوە پەیامێکی  ئارامی و ئاشتی بێت بۆ هەموو گەل".

دوێنێش رێبەری رەوتی سەدر لە پەیامێکدا کە ئاراستەی لایەنە شیعەکانی دیکەی بەشدار لە پرۆسەی هەڵبژاردن کرد و رایگەیاند، ئەگەر نیازیان هەیە بەشداری لە حکومەت بکەن، نابێت دەست ببەن بۆ تێکدانی پرۆسەی دیموکراسی و ئەنجامی هەڵبژاردن کە "هەموو جیهان شایەتی بۆ پاک و بێگەردیی دەدات، هەروەها پێویستە تەواوی گرووپە چەكدارەكان هەڵبوەشێنرێنەوە لەگەڵ رادەستكردنی چەكەكانیان لە قۆناغی یەکەمدا بە حەشدی شەعبی لە رێگەی فەرماندەی گشتیی هێزە چەكدارەكانەوە".

ر. ب