مەودا میدیا-

 کەشناسیی هەرێم رایگەیاند، سبەینێ شەممە 20ی تشرینی دوەمی 2021 لەزۆرینەی ناوچەکان ئەگەری بارانبارین هەیە و لەناوچە شاخاوییەکانیش بەڕێژەیەکی کەم بەفر دەبارێت.

بەڕێوەبەرایەتیی کەشناسی و  بومەلەرزەزانى هەرێمى کوردستان لەراگەیەنراوێکدا باسی لەوەشکردووە، سبەینێ ئاسمان لەزۆرینەی ناوچەکانی هەرێم هەوردەبێت لەگەڵ دابارینی نمەبارانی پچڕپچڕ لەناوچە جیاوازەکان و ئەگەری بارینی بەفر بەتایبەت لە ناوچە شاخاوییەکان.

ئەوەش هاتووە، سبەی لەپارێزگاکانی هەولێر، کەرکوک، سلێمانی، دهۆک و هەڵەبجە سەرەڕای ئەگەری بارینى نمەباران، بەشێوەى پچڕپچڕ  ئەگەری بارینی بەفر بەتایبەت لە ناوچە شاخاوییەکان هەیە.

ر. ب