مەودا میدیا-

وه‌زاره‌تی ناوخۆی حكومه‌تی هه‌رێمی كوردستان بڕیاریدا به‌ به‌خشینی سزای دواكه‌وتن له‌ شۆفێری ئه‌و ئۆتۆمبێلانه‌ی كه‌ واده‌ یاساییه‌كه‌یان ته‌واوكردووه‌.

له‌ نووسراوێكدا كه‌ واژۆی سامی جه‌لال، بریكاری وه‌زاره‌تی ناوخۆی حكومه‌تی هه‌رێمی كوردستانی له‌سه‌ره‌ تیایدا هاتووه‌، ئاماژه‌ به‌ به‌یانی ژماره‌ 2ی ساڵی 2022 تایبه‌ت به‌ هه‌مواری یه‌كه‌می رێنمایی رێكخستنی كاری كۆمپانیاكانی (هاورده‌كردن و گواستنه‌وه‌ و فرۆشتنی ئۆتۆمبێل) و پێشانگەكانی فرۆشتنی ئۆتۆمبێل ژماره‌ 3ی ساڵی 2021.

ئاماژە بەوەکراوە "مه‌به‌ست له‌ به‌خشینی سزای دواكه‌وتن له‌م ماده‌یه‌، ئه‌و ئۆتۆمبێلانه‌یه‌ كه‌ واده‌ یاساییه‌كه‌یان ته‌واوكردووه‌، واتا ئۆتۆمبێلی ژماره‌ كاتی كه‌ ماوه‌كه‌ی (60) رۆژ بووه‌، له‌ 1-11-2021 ده‌به‌خشرێن له‌ سزای دواكه‌وتن تا 15-2-2022 به‌مه‌رجێك گرێبه‌ستی ئه‌لیكترۆنی بهێنن.

ئەوەش هاتووە "ئه‌و ئۆتۆمبێلانه‌ی كه‌ كه‌وتوونه‌ته‌ سزای دواكه‌وتن به‌هۆی ته‌وابوونی واده‌ی تۆماركردن پێش 2-1-2022 ئه‌م به‌خشینه‌ نایانگرێته‌وه‌".

س،ر