مەودا میدیا-

بە پێی راگەیەندراوێکی بەڕێوەبەرایەتیی نەوت و کانزاکانی گەرمیان ئەمڕۆ یەکشەممە لە سنووری ئیدارەی گەرمیان دابەشکردنی نەوتی ماڵان دەستپێدەکاتەوە.

 

لە راگەیەندراوێکدا بەڕێوەبەرایەتیی نەوت و كانزاكانی گەرمیان ئاماژەی بەوەکرد "ئەمڕۆ یەكشەممە نەوتی سپی بە نرخی 90 هەزار دینار لە چەند بەنزینخانەیەكی سنووری كەلار و كفری و ناحیەكانی رزگاری، پێباز و سەرقەڵا دابەش دەكرێت".

 

بە پێی پلانی بەڕێوەبەرایەتیی نەوت و کانزاکان سەرەتا لە ناوچە ساردەکان نەوت دابەش دەکرێت دواتر بە قۆناغێکی دیکە لەسەنتەری شارەکانیش دەست بە دابەشکردنی دەکرێت.

 

بە پێی زانیارییەکانی مەودا میدیا لە سنووری پارێزگای سلێمانی تائێستا زیاتر لە 18 ملیۆن لیتر نەوت دابەشکراوە، ئەمە جیا لەو نەوتەی لەم هەفتەیە دابەش دەکرێت.

ر. ئ.