مەودا میدیا-

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان پلەکانی گەرمای ئەمڕۆی ناوچە جیاوازەکانی هەرێمی بڵاوکردەوە و تیایدا شارۆچکەى پێنجوێن وەک ساردترین ناوچە تۆمارکراوە کە -25 پلەى سیلیزییە.

هەر لە پلە تۆمارکراوەکاندا هاتووە، هەولێر -2 پلە و سلێمانی -6 پلە و دهۆک -3 پلە و هەڵەبجە -6 پلەیە، لەدوای پێنجوێنیش قەزای ماوەت دووەم ساردترین ناوچەیە بە -14 پلە و دوای ئەویش ناحیەی بازیان -12 پلەیە.

ئەمڕۆ یەکشەممە 23ی کانوونی دووەی 2022 لە راگەیەندراوێکدا بەرێوەبەرایەتیی گشتیی کەشناسی و بومەلەرزەزانی هەرێمی کوردستان ئاماژەی بەوەکرد "ئاسمان ئەمڕۆ ساماڵ و پەڵە هەور دەبێت،  

سبەینێ لە سنوورى پارێزگاى دهۆک و بەشێک لە ناوچە شاخاوییە سنووریەکانى پارێزگاى هەولێر نمە باران بە تێکەڵى لەگەڵ بەفر بارین لە ماوەى چەند کاتژمێرێک کەشێکى نا جێگیر لە ماوەیەکى کورت خاییەن ئەو ناوچانە دەگرێتەوە لە ئێوارەدا".

ر. ئ.