مەودا میدیا-

بەڕێوەبەرایەتیی بەرگریی شارستانی هەولێر راگەیاندراوێکی بڵاوکردووەتەوە و تیایدا بەهۆی دۆخی کەش و هەوا و بەفر بارینەوە هاوڵاتیان ئاگادار دەکاتەوە.

لە راگەیەندراوەلەدا ئاماژە بەوەکراوە پێویستە هاوڵاتییان لەکاتی گەشتکردنیان بۆ ئەو ناوچانەی بەفری لێباریوە رەچاوی ئەم خاڵانەی خوارەوە بکەن:

1- لە شەقامە سەرەکییەکان دوورمەکەونەوە بە ئۆتۆمۆبیلەکانتان، چونکە توشی گیربوون دەبن.

2- ئەو رێگایانەی پۆلیسی هاتوچۆ دیاری دەکەن کە سەلامەتن کاتەکانی خۆتانی لێبەسەر بەرن.

3- دڵنیا بن لە ئۆتۆمۆبێلەکانتان ئینجا گەشت بکەن بەتایبەت تایەکان و ئەنتی فرێز.

4- مەچنە ئەو شوێنانەی کە شارەزاییتان لێی نییە و دورە دەستن.

5- وریا بە لەو شەقامانەی دیاردەی بەستن و شەختەی لێیە، چونکە ئۆتۆمبێلەکەت کۆنترۆڵی نامێنێت .

6- هەوڵبدە پێش رۆژئاوابوون بگەڕێیتەوە، چونکە لەشەودا پلەکانی گەرما زۆر دادەبەزن لەم ناوچانە.

7- باشترە گروپەکانی شاخەوانی تا ئاسایی بوونەوەی کەشوهەوا گەشتەکانیان ئەنجام نەدەن بۆ سەلامەتی خۆیان.

8- وریا بن لە خلیسکان چونکە هەر بەربوونەوەیەک شکانی دەست و قاچی لێ دەکەوێتەوە.

س،ر