مەودا میدیا-

بەپێی زانیارییەکانی مەودا میدیا کە لە سەرچاوەیەک لە وەزارەتی دارایی وەریگرتووە سەرەتای هەفتەی داهاتوو دابەشکردنی مووچەی مانگی چوار کۆتایی پێدێت و راستەوخۆ دەست بە دابەشکردنی مووچەی مانگی پێنج دەکرێت.

پێشتر سەرچاوەیەک لە وەزارەتی دارایی و ئابووری حکومەتی هەرێمی کوردستان بە مەودا میدیای راگەیاندبوو، پارەی تەواو لە بەردەستە بۆ مووچەی مانگی پێنج و تەنها چاوەڕێن دابەشکردنی مووچەی مانگی چوار کۆتایی بێت و راستەوخۆ دەست بە دابەشکردنی مووچە مانگی ئایار دەکرێت.

ماوەی چەند مانگێکە دابەشکردنی مووچەی فەرمانبەرانی هەرێمی کوردستان دوا دەکەوێت و ئەوەش ناڕەزایی فەرمانبەران و مووچە خۆرانی لێکەوتووەتەوە.

حکومەتی هەرێم بۆ دابینکردنی مووچەی فەرمانبەران پشت بە داهاتی نەوت، داهاتی ناوخۆ، هاوکاریی هاوپەیمانان بۆ هێزەکانی پێشمەرگە و 200 ملیارەکەی بەغدا دەبەستێت.

ر. ئ.